Departamenti I Urgjencës i Spitalit Hygeia Tirane është i pozicionuar në katin përdhe të ndërtesës dhe ka një korsi të posacme për automjetet, duke mundësuar kështu një akses të dretpërdrejtë të pacientëve shumë pranë hyrjes së Urgjencës.
Në këtë Departament do të gjeni një staf Mjek & infemier të specializuar dhe të përkushtuar ndaj pacientëve, të cilët ofrojnë përkujdesje, diagnostikim dhe trajtim 24 orë në ditë/365 ditë të vitit duke mbuluar të gjithë spektrin e urgjencave mjekësore, me mbi 500 raste urgjencash të trajtuara në muaj.
Synimi i këtij Departamenti është ofrimi i shërbimeve me cilësie të lartë dhe profesionalizëm, transporti i shpejtë dhe i sigurt i pacientëve, minimizimin në maksimum të kohës së pritjes në Urgjencë, si dhe rekuperimin sa më të shpejte të pacientëve nga pikëpamja mjekësore. Të gjitha këto ofrohen në ambiente moderne dhe komode, të pajisura me aparatura dhe pajisje bashkëkohore dhe ku aplikohen protokollet dhe standartet bashkëkohore mjekësore për t’ju përgjigjur në kohë dhe me cilësi çdo rasti urgjence.
Ky Departament në funksionimin e tij të përditshëm bashkëpunon ngushtësisht dhe asistohet 24 orë në ditë nga Departamenti i Laboratorëve dhe ai i Imazherisë (ekzaminime ekografike, grafi, CT-skaner, Rezonance Magnetike) me qëllimin e vetëm për të patur një diagnozë sa më të saktë dhe zgjidhje sa më të shpejtë të rasteve mjekësore që paraqiten.
Urgjenca Hygeia ka në përbërje të saj, mjekë specialist të urgjencës të cilë ofrojnë shërbim 24 orë/7, dhe përkatësisht janë:
- Kardiologë
- Kirurgë të përgjithshëm
- Gjinekologë
- Anestezist-reanimatorë
- Pediatër
- Neurokirurg
- Neurolog
- ORL
- Ortoped
Per me teper informacione mbi urgjencen e spitalit Hygeia, jeni te lutur te ndiqni videon:
Departamenti i Urgjencës trajton raste të Urgjencave Mjekësore si më poshtë:
- Në fushën e Neurologjisë: dhimbje koke, hemorragji cerebrale, meningitet, encefalitet etj
- Në fushën e kardiologjisë: dhimbje gjoksi, infarkt I muskulit të zemrës, aritmi të ndryshme,tension I larte I gjakut etj.
- Në fushën e pneumologjisë: Pneumoni, astma bronkiale, tromboembolia, insuficenca respiratore etj.
- Në fushën e kirurgjisë abdominale (të barkut) : dhimbje e fortë barku, gurë në tëmth, gur në veshka
- Në fushën gastrointestinale: Hemoragjite nga varicet e ezofagut, hemorragjitë nga ulcerat e stomakut dhe duodenit etj.
- Traumat e ndryshme: automobilistike, fraktuara të gjymtyrëve të poshtme dhe atyre të sipërme
- Probleme obstetrikale dhe gjinekologjike
- Problemet e moshes pediatrike (0-14 vjec)
9- Shërbime të urgjencës për gjendjet febrile (temperaturë e lartë), gastroenteritet (të vjella dhe diarre), dhimbje të shpinës (hernie diskale) si dhe për probleme të tjera shëndetësore që përbëjnë urgjenca mjekesore
Spitali Hygeia Tiranë ka vënë në dispozicion të departamentit të Urgjencës 2 Autoambulanca të pajisura me të gjitha pajisjet dhe aparaturat mjekesore të nevojshme për të përballuar të gjitha llojet e Urgjencave Mjekësore te tilla si Defibrilator, monitor kardiak, Respirator, O2 terapi etj, duke improvizuar një minispital lëvizës. Përvec faktit që janë të mirëpajisura, shoferët tanë janë të trajnuar në drejtimin e autoambulancave dhe në bashkëpunim edhe me stafin mjekë dhe infermierë ata sigurojnë shërbimin më të mirë të mundshëm që në momentin e pare të marrjes së pacientit në ambulancë, që në të shumtën e rasteve kthehet në një faktor dominant për jetën e pacientit. Shërbimi I transportit me ambulancë është I disponueshëm 24 orë në ditë/365 ditë të vitit, dhe mbulon të gjithë territorin e Shqipërisë.
